იტალიისგან განსხვავებით, კორონავირუსის ფაქტების შემცირების ტენდენციაა ჩინეთში, სადაც ბოლო 24 საათში ინფიცირების 21 და გარდაცვალების 13 შემთხვევა დაფიქსირდა. ამჟამად, ჩინეთში 9 ათასამდე ადამიანია ინფიცირებული.
342-მდე გაიზარდა ფატალური შემთხვევების რაოდენობა ესპანეთში, საფრანგეთში კი 148 ადამიანია დაღუპული.
სომხეთში კორონავირუსის 52 დადასტურებული შემთხვევა ფიქსირდება. თურქეთში ინფიცირებულთა რაოდენობა 47-მდეა გაზრდილი.
ერთი თვით საგანგებო მდგომარეობა გამოაცხადა შვეიცარიამ, უცხო ქვეყნის მოქალაქეების ქვეყანაში შესვლას დროებით კრძალავს რუსეთი.
30 დღით შეიზღუდა უცხო ქვეყნის მოქალაქეების შესვლა ევროკავშირის ტერიტორიაზეც. პარალელურად შტატებში ვაქცინის ტესტირება დაიწყო.
დონალდ ტრამპი ვარაუდობს, რომ კორონავირუსის კრიზისი შესაძლოა ზაფხულის ბოლომდე გაგრძელდეს.