იტალიიდან სპეციალური რეისით ჩამოყვანილი საქართველოს 150 მოქალაქიდან შვიდი სტაციონარში გადაიყვანეს, რადგან მათ მაღალი ტემპერატურა აღმოაჩნდათ. ამის შესახებ ამირან გამყრელიძემ განაცხადა.
დაავადებათა კონტროლის ეროვნული ცენტრის დირექტორის მოადგილე აცხადებს, რომ დანარჩენი მოქალაქეები, ვინც ბორტზე იმყოფებოდნენ, საკარანტინო ზონაში გაამწესეს.
მისივე თქმით, ამ ადამიანების მხრიდან წინააღმდეგობა არ ყოფილა, ხოლო საკარანტინო ადგილებად სასტუმროებია შერჩეული, სადაც კარგი პირობებია.
ამირან გამყრელიძემ ასევე აღნიშნა, რომ იტალიიდან ჩამოსულებმა ბორტზევე გაიარეს თერმოსკრინინგი და შესაბამისი კითხვარებიც შეავსეს.