„გვაქვს ინფორმაცია, რომ ივანიშვილი თავისი დეიდაშვილის უჩა მამაცაშვილის ხელით აპირებს სააქციო საზოგადოება „ბავშვთა სამყაროს” ტერიტორიის შეძენას და იქ სავაჭრო ცენტრის აშენებას“, – განაცხადა ხანძრის შედეგად დაზარალებულების ადვოკატმა ფრიდონ სიხუაშვილმა დღეს მათ მიერ ბიძინა ივანიშვილის ბიზნესცენტრთან გამართულ აქციაზე.

აქციის მონაწილეები ზიანის ანაზღაურებას ითხოვენ. როგორც ისინი აცხადებენ „ბავშვთა სამყაროს“ დირექტორმა  ბიძინა ივანიშვილისგან გარანტია მიიღო, რომ არ დააკავებდნენ და სანაცვლოდ „ბავშვთა სამყაროს” ტერიტორია უნდა გაყიდოს, მყიდველი თავად ბიძინა ივანიშვილია.

ფრიდონ სიხუაშვილის განცხადებით,დაზარალებულებმა ზიანის ანაზღაურების მოთხოვნით სასამართლოში ოთხი სხვადასხვა სარჩელი ჯერ კიდევ 2019 წლის ბოლოს შეიტანეს, თუმცა სასამართლომ სარჩელი წარმოებაში არ მიიღო.