წალენჯიხის ტყეში ხანძარია, მისი ლოკალიზება ამ დრომდე ვერ ხერხდება. მდგომარეობას ძლიერი ქარი ართულებს. ხანძრის კერა მიუვალ ადგილასაა, ამიტომ ტექნიკით ასვლა ვერ ხერხდება. ადგილობრივი მოსახლეობა ცეცხლის ჩაქრობას საკუთარი ძალებით ცდილობს. ცეცხლი უკვე დასახლებულ პუნქტამდეა მისული, როგორც ადგილობრივები ამბობენ, მდგომარეობა უკიდურესად საშიშია, რადგან ახლოსაა ბენზინგასამართი სადგური და სახლების დატოვებასაც არ გამორიცხავენ.
ხანძარი წალენჯიხაში რამდენიმე დღის წინ გაჩნდა, ხანძრის კერა ოცინდალეს მთებში დაფიქსირდა.