სამეგრელო-ზემო სვანეთში სახელმწიფო რწმუნებულის მოადგილე ნინო ვიბლიანის ინფორმაციით, ფოცხოეწერში საკარანტინო ზონა არ მოეწყობა. „რეგიონის მასშტაბით განიხილება რამდენიმე ადგილი, რომლიდანაც აირჩევა ერთი სადაც განთავსდება საკარანტინო სივრცე, ამჯერად მიმდინარეობს შერჩევის პროცესი. მოსახლეობას განუმარტავთ, რომ პანიკის საფუძველი არა არსებობს, საკარნტინო სივრცეები ეწყობა იმისთვის, რომ საჭიროების შემთხვევაში მზად ვიყოთ შესაბამისი რეაგირებისთვის და კარანტინის პერიოდში მოქალაქეებს ჰქონდეთ კომფორტულ პირობებში ყოფნის საშუალება“, – განაცხადა ნინო ვიბლიანმა.
ადგილობრივები სასტუმროში საკარანტინო ზონის განთავსებას ეწინააღმდეგებიან და საპროტესტო აქციებს აანონსებენ.