წალენჯიხის მუნიციპალიტეტის სოფელ ფოცხოეწერში არსებულ დასახლებაში არსებული სასტუმრო ,,ენგური” შესაძლოა საკარანტინო ზონად გადაკეთდეს. როგორც სასტუმროს ადმინისტრაციაში აცხადებენ, მათ სამეგრელო-ზემო სვანეთის გუბერნიიდან დაუკავშირდნენ და აღნიშნულის შესახებ უთხრეს. თავის მხრივ, სახელმწიფო რწმუნებულის ადმინისტრაციაში აცხადებენ, რომ კორონავირუსის შესაძლო გავრცელების გამო, საჭიროების შემთხვევაში საკარანტინო ზონების განთავსებისთვის რამდენიმე ლოკაცია განიხილება და მათ შორისაა სასტუმრო ენგური. ადგილობრივები სასტუმროში საკარანტინო ზონის განთავსებას ეწინააღმდეგებიან და საპროტესტო აქციებს აანონსებენ.