საქართველოში ოფიციალური ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი ჩამოდის

0
488

საქართველოს 3-4 მარტს, ოფიციალური ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი ეწვევა, – ინფორმაცია რადიო თავისუფლებას მთავრობის ადმინისტრაციიდან მიაწოდეს.

“სომეხ კოლეგას საქართველოს მთავრობის მეთაური გიორგი გახარია უმასპინძლებს. გაიმართება საქართველოსა და სომხეთის პრემიერ-მინისტრების შეხვედრა პირისპირ და გაფართოებულ ფორმატში, რის შემდეგაც გიორგი გახარია და ნიკოლ ფაშინიანი მედიისთვის განცხადებებს გააკეთებენ”, – ნათქვამია მთავრობის ადმინისტრაციის ინფორმაციაში.

ოფიციალური ვიზიტის ფარგლებში სომხეთის რესპუბლიკის პრემიერ-მინისტრი შეხვედრებს გამართავს საქართველოს პრეზიდენტ სალომე ზურაბიშვილსა და პარლამენტის თავმჯდომარე არჩილ თალაკვაძესთან.

ნიკოლ ფაშინიანი, დელეგაციის წევრებთან ერთად, გმირთა მოედანზე პატივს მიაგებს საქართველოს ერთიანობისთვის ბრძოლაში დაღუპულ გმირთა ხსოვნას.

სომხეთის სამთავრობო დელეგაციის ოფიციალური ვიზიტი საქართველოში 4 მარტს დასრულდება.

წინა სტატიაოპოზიცია აცხადებს, რომ ადგილებით არ ვაჭრობს და იბრძვის დემოკრატიული არჩევნებისთვის, რაც მანდატების პროპორციულ გადანაწილებას უზრუნველყოფს
შემდეგი სტატიაგორის სამხედრო ჰოსპიტალში საკარანტინო ზონა მოეწყო
ტელეკომპანია ოდიშის საინფორმაციო სამსახური