საჩხერის სასტუმრო კომპლექსში ამ დროისათვის, ჩინეთიდან ევაკუირებული, საქართველოს 34 მოქალაქიდან 31 რჩება.
საჩხერის სამედიცინო ცენტრის დირექტორის მიხეილ ქამუშაძის თქმით, სამი მოქალაქე საკუთარ სახლში განაგრძობს კარანტინის გავლას. როგორც მან განმარტა, მოქალაქეების გაშვებამდე მათი საცხოვრებელი პირობების შესწავლა და იმის გარკვევა მოხდა, რამდენად შეძლებდნენ ისინი საკუთარ სახლის პირობებში კარანტინის გავლას. რაც შეეხება დარჩენილი მოქალაქეების ჯანმრთელობის მდგომარეობას, მათ ეპიდემიოლოგები ზედამხედველობენ და ვირუსის ნიშნები არც ერთ მათგანს უფიქსირდება.