საპარლამენტო უმრავლესობის მიერ ოპოზიციისთვის მიცემული ვადის ამოწურვამდე რამდენიმე დღე რჩება. ხელისუფლება ოპონენტებს მრგვალ მაგიდასთან შეკრებას თვის ბოლომდე სთავაზობს.
ოპოზიცია კონსულტაციებში მონაწილეობაზე კვლავ უარს აცხადებს, თუ მთავარი მოთხოვნები არ შესრულდება, მათივე მტკიცებით, ისინი კომპრომისზე უკვე წავიდნენ და ჯერი ახლა მმართველ გუნდზეა. შეგახსენებთ, ორი დღის წინ მხარეები დიპლომატებთან ერთად არაფორმალურ გარემოში შეიკრიბნენ და შეხვედრა მოლაპარაკებების მორიგ რაუნდად არ განიხილებოდა.