მიხეილ კალანდიას მამა თენგიზ კალანდია მისი შვილის მიმართ
გამოტანილ განაჩენს პოლიტიკურად მოტივირებულს უწოდებს.
“გამოძიება ისე ვერ წაიყვანეს, რომ ჭეშმარიტება დაედგინათ. ყველაზე დაბალი ღობე ჩვენ გვნახეს, 6-შვილიანი ოჯახი, არ ფული გვაქვს და არც ნაცნობობა. კალანდიების ოჯახს შეახოცეს ხელი და თვითონ ყველა კარგად არის,” – აღნიშნა თენგიზ კალანდიამ.
მიხეილ კალანდიას ძმამ ლუკა კალანდიამ კი განაცხადა, რომ ოჯახი დანებებას არ აპირებს და ბრძოლას სტრასბურგის სასამართლოში გააგრძელებს.
სასამართლომ მიხეილ კალანდია დავით სარალიძის განზრახ ჯგუფურად მკვლელობაში დამნაშავედ ცნო და მას 15 წლით თავისუფლების აღკვეთა შეუფარდა, თუმცა არასრულწლოვანთა მართლმსაჯულების კოდექსის თანახმად, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეუფარდა.