მთავარისიახლეებისაზოგადოებასკოლებში შესვლის ასაკი შეიძლება გადაიხედოს

სკოლებში შესვლის ასაკი შეიძლება გადაიხედოს

Published on

პარლამენტის განათლების, მეცნიერების და კულტურის კომიტეტის თავმჯდომარე გენადი მარგველაშვილი ამბობს, რომ კარგი იქნება თუ პირველ კლასში შესვლის უფლება მიეცემათ იმ ბავშვებს, რომლებსაც 6 წელი 31 დეკემბრამდე უსრულდებათ, თუმცა გარკვეულ რისკებზეც საუბრობს. ამის შესახებ მარგველაშვილმა პარლამენტში კომიტეტის 2019 წლის მუშაობის ანგარიშის წარდგენისას ისაუბრა.

„გაეროს მდგრადი განვითარების მიზნებში, მეოთხე მიზანი ეს არის ხარისხიანი განათლების მიწოდება. დაწყებით საფეხურზე ჩვენმა ბავშვებმა პირველივე კლასიდან რომ მიიღონ ხარისხიანი განათლება, აუცილებელია სკოლამდელი სტრუქტურის სწორად მოწესრიგება, ანუ სკოლამდელი მზაობის სისტემის სწორად გათვლა. გეთანხმებით, რომ უცნაური გამოწვევის წინაშე ვართ, თუ მაგალითად წელს 15 სექტემბერი დაემთხვეოდა კვირა დღეს, მაშინ 16 სექტემბერს დაბადებულ ბავშვებს ჰქონდათ სკოლაში წასვლის შესაძლებლობა, მაგრამ თუ ასე არ მოხდებოდა – არ ჰქონდათ, ანუ გაისად, 16 სექტემბერს დაბადებული ბავშვი ვერ მიდის სკოლაში. ეს გამოწვევაა თავისთავად, მაგრამ ხშირად დასტურდება, რომ ბავშვი არ არის მზად იმისთვის, რომ სკოლაში განათლება მიიღოს. რაც არ უნდა დავუჯეროთ ჩვენ მშობელს, რომ წერა- კითხვა იცის, ანგარიშიც იცის, სინამდვილეში მთავრი აქ არის სოციუმთან შეგუება, რაც რეალურად სკოლამდელ განათლებაში უნდა იყოს სწორად ორგანიზებული. ხშირ შემთხვევაში, ბავშვი, რომელიც მიდის სკოლაში არ არის ბედნიერი და სოციუმთან შესაჩვევად გარკვეული დრო სჭირდება. შესაბამისად, როდესაც ეს მიმართულებები მოწესრიგდება, ალბათ დაისმება საკითხი. მე პირადად თანახმა ვარ, რომ ეს 31 დეკემბრისთვის გადაიდოს, მაგრამ ძალიან დიდი სიფრთხილეა საჭირო. ეს იქნება უფრო ოპტიმალური და სწორი გადაწყვეტილება იმიტომ, რომ წელიწადი იცვლება, თუმცა როგორც უკვე ვთქვი, მთავარი სკოლამდელი მზაობის ამოცანაა. ხშირ შემთხვევაში 7 წლის ბავშვი არ არის მზად სკოლისთვის, თუმცა შეიძლება, 5 წლის ბავშვი იყოს“- ამბობს გენადი მარგველაშვილი.

დღესდღეობით ქვეყანაში მოქმედი რეგულაციებით, როგორც კერძო, ასევე საჯარო სკოლებში პირველ კლასში რეგისტრაცია შესაძლებელია იმ ბავშვებისთვის, რომელთაც ზოგადი განათლების დაწყებით საფეხურზე სწავლის დაწყებისთვის შესრულებული აქვთ 6 წელი და მათი ასაკი არ აღემატება 10 წელს.

სიახლეები

დაკავება თაღლითობის ბრალდებით – კომპანიის მფლობელს, რომელმაც მოქალაქეს 24 ათასი ლარი მოტყუებით გამოსძალა, 9 წლამდე ციხე ემუქრება

თბილისის პროკურატურამ დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა. გამოძიების ინფორმაციით,...

თბილისში ძარცვისა და ქურდობის ბრალდებით 4 არასრულწლოვანი დააკავეს

ჯგუფის მიერ ჩადენილი ძარცვისა და ქურდობის ბრალდებით, სხვადასხვა დროს 4 არასრულწლოვანი დააკავეს. ინფორმაციას ამის...

ვრწმუნდები, თუ რა დიდი მოვლენა იყო ოთხი ოქტომბრის საქართველოს ეროვნული კრება – პაატა ბურჭულაძე

„მინდა მივმართო საკონსტიტუციო სასამართლოს პატივცემულ მოსამართლეებს: "ვადევნებ თვალს თქვენს პროცესს და კიდევ ერთხელ ვრწმუნდები,...

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...