82 წლის ასაკში გარდაიცვალა რუსთაველის პრემიის ლაურეატი, საქართველოს სახალხო არტისტი, კინორეჟისორი გიორგი შენგელაია.

გიორგი შენგელაია 1937 წლის 11 მაისს დაიბადა. დაამთავრა საკავშირო კინემატოგრაფიის ინსტიტუტის სარეჟისორო ფაკულტეტი. 1962 წლიდან მუშაობდა კინოსტუდია „ქართულ ფილმში“.

1963 წელს გადაიღო თავისი პირველი ფილმი „ალავერდობა”, მწერალ გურამ რჩეულიშვილის ამავე სახელწოდების ნოველის მიხედვით. 1969 წელს კი მხატვარ ნიკო ფიროსმანის შესახებ ფილმი „ფიროსმანი“.

მას ეკუთვნის ასევე ფილმები „მაცი ხვიტია” და „ხარება და გოგია“, მიუზიკლი „ვერის უბნის მელოდიები“

გიორგი შენგელაიამ 2000 წელს გადაიღო ფილმი „სიყვარული ვენახში“, 2005 წელს კი „მიდიოდა მატარებელი“.