ყინულის მოედნის სადემონტაჟო სამუშაოები ზუგდიდის მერიას 287 ათას 533 ლარი დაუჯდება. სადემონტაჟო სამუშაოების შესყიდვაზე ტენდერი უკვე გამოცხადდა. მას შემდეგ, რაც ტერიტორია სამშენებლო კომპანია m² – მა 7 270 118 ლარად შეიძინა, მერიამ თავის თავზე აიღო ყინულის მოედნის დემონტაჟის და ყოფილი კომკავშირის პარკის ტერიტორიაზე მისი გადატანა. მერიას სამუშაოები 2019 წლის დეკემბერში უნდა განეხორციელებინა, თუმცა ყინულის მოედანი დღემდე არ დაუშლიათ.კომპანია m² – მა მიწის ნაკვეთი 2019 წლის ივნისში შეიძინა. აღნიშნული კომპანიის მიერ წინადადების შემოთავაზებას, აღნიშნულ ტერიტორიაზე 80 ნომრიანი, საერთაშორისო სტანდარტების შესაბამისი სასტუმროს აშენების შესახებ, აზრთა სხვადასხვაობა მოყვა. სასტუმროს მშენებლობა აქციით არაერთხელ გააპროტესტეს.
ყინულის მოედნის სადემონტაჟო სამუშაოების შესყიდვაზე ზუგდიდის მერიამ ტენდერი გამოაცხადა
Published on