დღეს პარლამენტში პლენარული სხდომაა. სესიაზე „მინისტრის საათის“ ფარგლებში დაგეგმილია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ეკატერინე ტიკარაძის მოსმენა. ოპოზიცია საპარლამენტო სხდომებს ბოიკოტის გამო არ ესწრება.
პარლამენტთან ოპოზიციური პოლიტიკური პარტიები და მათი მხარდამჭერები საპროტესტო აქციას მართავენ. აქციის მონაწილეები პლაკატებითა და სასტვენებით ხელში პარლამენტის შენობის შესასვლელებთან დგანან და „სირცხვილის კორიდორს“ უწყობენ „ქართული ოცნების“ წარმომადგენელ დეპუტატებს.
საპროტესტო აქციის მოთხოვნა უცვლელია – დემონსტრანტები პროპორციული საარჩევნო სისტემის მოთხოვნით აქციებს რამდენიმე თვის განმავლობაში მართავდნენ პარლამენტის შენობის წინ.
პარლამენტის გვერდით შესასვლელთან, ჭიჭინაძის ქუჩის მხრიდან, სადაც ოპოზიცია და სამოქალაქო აქტივისტები აქციას მართავენ, პოლიცია გააქტიურდა
მოძრაობა „შეცვალეს“ წარმომადგენელმა, პარლამენტის შენობაში შესასვლელ კარებზე ბოქლომის ჩამოკიდება სცადა, რისი უფლებაც მას პოლიციამ არ მისცა. სამოქალაქო აქტივისტი საპატრულო პოლიციამ ადგილიდან გაიყვანა.
ამას