ხვალ, 31 იანვარს პარლამენტის ბიბლიოთეკაში გაიმართება პრეზენტაცია SOS ღილაკისა, რომელიც დავით ქაცარავას იდეითა და გიორგი რუხაძის ძალისხმევით შეიქმნა.

ეს მოწყობილობა გამიზნულია რუსი ოკუპანტების მიერ გატაცების რისკის ქვეშ მყოფ ადამიანებისთვის საოკუპაციო ზოლზე გადაადგილებისას სატარებლად და რეალური საფრთხის წარმოქმნისას მომენტალურად აგზავნის ინფორმაციას მფლობელის ადგილმდებარეობის შესახებ

.

64 გრამიანი, ყინვაგამძლე, წყალგამძლე მოწყობილობა ერთი დამუხტვით 7 დღეს მუშაობს, ახორციელებს ორმხრივ ზარებს და ერთდროულად უგზავნის მონაცემებს სამ ადრესატს.
ოკუპანტებმა ეს მოწყობილობა რომც დაამტვრიონ, ბაზაში რჩება გადაადგილების მარშრუტი და ბოლო ადგილსამყოფელის კოორდინატები.

,, ჩვენი ქვეყნის ტერიტორიის “ახევის” პროცესი გრძელდება. კიდევ უფრო სამწუხაროა ის ფაქტი, რომ ჩვენი მიწების ოკუპაცია 2008 წლის ომის შემდეგ მოხაზულ საოკუპაციო ხაზს ცდება . ასევე, ოკუპანტები აგრძელებენ ჩვენი მოქალაქეების გატაცებას. ახალი ოკუპაციის შესახებ ინფორმირების გარდა, ამ პრეზენტაციაზე ჩვენ მოგიყვებით, თუ როგორ შეიძლება ხელისუფლების დახმარების გარეშე გარკვეულწილად მოვახდინოთ ჩვენი მოქალაქეების გატაცებების პრევენცია.” – აცხადებს მოძრაობა ,,ძალა ერთობაშია” ლიდერი დავით ქაცარავა