სომხური მედიის ცნობით, სამი საათის წინ ერევანში, სასტუმრო „ერებუნი პლაზაში“ თავდამსხმელმა მძევლები აიყვანა. პოლიციამ სასტურო ალყაში მოაქცია, შენობაში მყოფ ადამიანებს გარეთ არ უშვებენ
როგორც Yerevan Today გადმოსცემს შენობაში ბევრი ადამიანი იმყოფება. მისივე ცნობით, შენობაში შესვლის დროს თავდამსხმელმა ცეცხლი გახსნა და ყვირილით მოითხოვა ეჩვენებინათ მისთვის, თუ სად არის ქოჩარიანის ოფისი. მედია აღნიშნავს, რომ შენობის მეორე სართულზე, ქვეყნის ყოფილი პრეზიდენტის, რობერტ ქოჩარიანის, ოფისია განთავსებული. თვითმხილველები ამბობენ, რომ თავდამსხმელმა კიდევ რამდენიმე მოთხოვნა წამოაყენა, თუმცა პოლიცია ჯერჯერობით ამ საკითხზე კომენტარს არ აკეთებს.