შეერთებულ შტატების პრეზიდენტი დონალდ ტრამპი ორსულ ქალებზე ვიზების გაცემას გაამკაცრებს.
ამერიკული მედიის ცნობით, სახელმწიფო დეპარტამენტის თანამშრომელს უფლება ექნება ვიზის გაცემაზე უარი თქვას, თუ მიიჩნევს, რომ ტურისტის მიზანი ამერიკაში შვილის გაჩენა და ჩვილისთვის მოქალაქეობის მიღებაა.
კანონის თანახმად, შეერთებული შტატების ტერიტორიაზე დაბადებულ ბავშვებს მოქალაქეობა გარანტირებული აქვთ. ტრამპმა რამდენჯერმე ამ ნორმას სასაცილო უწოდა. ეს სამშობიარო ტურიზმი უნდა დასრულდეს -არაერთგზის განაცხადა მან.
მიგრაციის შემსწავლელი ცენტრის ინფორმაციით, აშშ – ში ყოველწლიურად უცხო ქვეყნის მოქალაქეების მიერ დაბადებული ბავშვების რიცხვი 33 ათასს აჭარბებს.