აშშ-ის პრეზიდენტი დონალდ ტრამპი ირანის უზენაეს ლიდერს, აიათოლა ალი ხამენეის “ტვიტერზე” გამოეხმაურა:
„ირანის ე.წ. უზენაესმა ლიდერმა, რომელიც ბოლო დროს არც თუ ისე უზენაესია, უსიამოვნო, საძაგელი რამ თქვა შეერთებული შტატებისა და ევროპის შესახებ. მათი ეკონომიკა ინგრევა, ხალხი იტანჯება. ფრთხილად უნდა იყოს სიტყვების შერჩევისას“, – დაწერა ტრამპმა „ტვიტერის“ საკუთარ გვერდზე.
შეგახსენებთ, რომ პარასკევის ლოცვაზე აიათოლა ალი ხამანეიმ აშშ-ის პრეზიდენტს „კლოუნი“ უწოდა, რომელიც მხოლოდ თავს აჩვენებს რომ მხარს უჭერს ირანელ ხალხს, სინამდვილეში კი სურს მათ „ზურგში შხამიანი მახვილი ჩასცეს“.