საპროკურორო საბჭოს საქართველოს გენერალური პროკურორის ვაკანტურ თანამდებობაზე ირაკლი შოთაზე წარედგინა
წარდგენა ფორმალურად მოხდა საპროკურორო საბჭოს საჯარო სამართლის იურიდიული პირის ,,საქართველოს ტექნიკური უნივერსიტეტის“ მიერ, თუმცა ყველასათვის ცხადია, რომ მის უკან ბიძინა ივანიშვილი დგას
დღეისთვის საქართველოს გენერალური პროკურორის ვაკანტურ თანამდებობაზე საპროკურორო საბჭოსთვის 9 კანდიდატია წარმოდგენილი.
კონსულტაციები და კანდიდატების წარდგენა 2020 წლის 17 იანვრის ჩათვლით გრძელდება.
ირაკლი შოთაძის კანდიდატურის წამოყენებას ბიძინა ივანიშვილის მორიგ ცინიზმად აფასებს „ევროპული საქართველოს“ ერთ-ერთი ლიდერი გიგი უგულავა.
,, შოთაძის დაბრუნება ნიშნავს ფარცხალაძის რეანიმაციას, ყველაფერი უკანონობის რესტავრაციას, რის გამოც საზოგადოებამ აიძულა შოთაძე გადამდგარიყო”
როგორც უგულავა აცხადებს, ივანიშვილისგან ეს გასაკვირი არაა, მას შემდეგ რაც მან საზოგადოება მოატყუა.
„როგორც ჩანს, შოთაძეს უპირებდნენ საკონსტიტუციო სასამართლოს თავმჯდომარეობას. მერე ზაზა თავაძე, რომელიც ასევე ივანიშვილის მონა-მორჩილი გახლავთ, დარჩა იქ და შესაბამისად, შოთაძე დაუბრუნდა თავის წიაღს.
შოთაძის კარიერა, ინტელექტუალური შესაძლებლობები, რეპუტაცია პროკურორის კი არა, ოპერმუშაკისასაც არ შეესაბამება. ეს კიდევ ერთხელ მიუთითებს ივანიშვილის ცინიკურ დამოკიდებულებას და აბუჩად აგდებას საზოგადოების, მერე უკვირთ რატომ მიდის მათი რეიტინგები ქვევით“, – აცხადებს უგულავა.