ოპოზიცია ბიძინა ივანიშვილს მოლდოველი ოლიგარქის ბედს უწინასწარმეტყველებს.
“ერთიანი ნაციონალური მოძრაობის” ერთ-ერთი ლიდერის, ხატია დეკანოიძის თქმით “ქართული ოცნების” თავმჯდომარისთვის პლახატნიუკის პრეცენდენტი ძალიან ახლოსაა.
“პლახატნიუკიც ისეთივე არაფორმალური მმართველი იყო, როგორც ბიძინა ივანიშვილია. ისიც თითქომს მხოლოდ პარტიის თავმჯდომარე იყო და მეტი არაფერი და არავითარი თანამდებობა ეკავა მოლდოვაში. ის და მისი კლანი კორუფციაში იყვნენ ჩართულნი. სწორედ მისი კლანი მართავდა ქვეყანას. დააკნინა სასამართლო, დააკნინა ყველა დემოკრატიული ინსტიტუტი. მიიტაცა ყველანაირი სახელმწიფო ინსტიტუტი, ამიტომ მე პრაქტიკულად ერთი-ერთში ვხედავ იმ რეალობას რაც საქართველოშია ახლა და იყო მოლდოვაში, როცა პლახატნიუკი მართავდა პროცესებს. მე ბიძინა ივანიშვილის ადგილზე ძალიან კარგად დავფიქრდებოდი”- აცხადებს დეკანოიძე.
“ევროპული საქართველოს” ლიდერის გიგი უგულავას თქმით, პლახატნიუკი პირადად მაიკლ პომპეუმ შეიყვანა შავ სიაში.”ამით ამერიკამ მთელ მსოფლიოს დაანახა ორი რამ – მოლდოვას გზა თავისუფალი სამყაროსკენ არის დაფასებული, რადგან შემხვედრი ნაბიჯებია. მეორე: შეერთებული შტატებს ამ მეთოდის გამოყენება მიაჩნია ეფექტურად მსგავსი ოლიგარქების მიმართ. თუ ვინმე, თავისი მოქმედებების ალგორითმით შეიძლება მოვისაზროთ მსგავს გზაზე მიმავალი, ასეთი კაცი არის მხოლოდ ივანიშვილი”- თქვა უგულავამ.