ხვალ, ქრისტეს შობის დღესასწაულთან დაკავშირებით, ზუგდიდში საშობაო ალილოს მსვლელობა გაიმართება. ტრადიციული მსვლელობა 12:00 საათზე ვლაქერნის ყოვლაწმინდა ღვთისმშობლის ხატის სახელობის ტაძრიდან დაიწყება და ივერიის ყოვლაწმინდა ღვთისმშობლის სახელობის მშენებარე საკათედრო ტაძარში დასრულდება, სადაც ზუგდიდისა და ცაიშის ეპარქიის მიტროპოლიტი, მეუფე გერასიმე საზეიმო პარაკლისს აღავლენს. ალილოზე შეგროვილი საჩუქრები და ტკბილეული სოციალურად დაუცველებს და შეჭირვებულებს გადაეცემა.