ლიდერები 5 საათზე “ლეიბორისტების” ოფისში შეიკრიბებიან. შეხვედრის მთავარი თემა ე.წ. შავი სიაა.
ოპოზიციონერი ლიდერების განცხადებით, ჩამონათვალში იმ პირებს შეიყვანენ, რომლებიც საზოგადოებაზე პოლიტიკურ ზეწოლას ახორციელებდნენ. მათ შორის იქნებიან მოსამართლეები, სამართალდამცველები, პროკურორები და პოლიტიკური თანამდებობის პირები.
ოპოზიციას კონკრეტული თარიღის დასახელება უჭირს, თუმცა სავარაუდოა, რომ ეს სია 15 იანვრამდე გახდება ცნობილი. მათი განცხადებით, ე.წ. შავ სიაზე მსჯელობა გრძელდება და ერთ-ერთი ასეთი შეხვედრა სწორედ დღეს გაიმართება, რის შემდეგაც შესაძლოა, სიის კონკრეტული სახელები და გვარებიც გახდეს ცნობილი.
საუბარია ორ სიაზე. ერთის მხრივ იმ ადამიანებზე, რომლებიც ოპოზიციის თქმით, პოლიტიკურ მართლმსაჯულებას აღასრულებდნენ, მათ შორის სამართალდამცველები, პროკურორები და მოსამართლეები.
მეორე, დაზარალებულთა სია კი, იმ ადამიანთა ჩამონათვალი იქნება, რომლებიც, ოპოზიციის თქმით, პირველი სიის ფიგურანტებმა დააზარალეს.