ავსტრალიაში ხანძარს ვეღარ აკონტროლებენ. ახალი სამხრეთ უელსის შტატის სახანძრო სამსახური მოსახლეობას მოუწოდებს, ტერიტორიის დატოვებას აღარ შეეცადონ და თავშესაფარი ადგილზევე ეძებენ, – ამის შესახებ „როიტერსი“ იუწყება.

„ტერიტორიის დასატოვებლად უკვე ძალიან გვიანაა, ეძებეთ თავშესაფარი,“- ნათქვამია სახანძრო სამსახურის მიერ გავრცელებულ განცხადებაში.

ავსტრალიის პრემიერ-მინისტრის სკოტ მორისონის განცხადებით, მეხანძრეებს ხანძართან გამკლავებაში 3000 ჯარისკაცი დაეხმარება. გარდა ამისა, ევაკუაციის პროცესში სამხედრო ფლოტის მესამე ხომალდი ჩაერთო.

ავსტრალიაში მასობრივი ხანძრის გამო ორი შტატიდან, ახალი სამხრეთ უელსიდან და ვიქტორიადან ათასობით ადამიანის ევაკუირება მოხდა. 

ადგილობრივი მაღალჩინოსნები ამბობენ, რომ საგანგებო მდგომარეობა დაახლოებით ერთი კვირის განმავლობაში გაგრძელდება. 

აღმოსავლეთ ავსტრალიაში მაღალი ტემპერატურა და ძლიერი ქარია, რაც ხანძართან ბრძოლას ართულებს.

სექტემბრის შემდეგ ახალ სამხრეთ უელსსა და ვიქტორიაში ხანძრის შედეგად 18 ადამიანი დაიღუპა და 1 200-მეტი სახლი განადგურდა. 

მხოლოდ ამ კვირაში უკვე 21 ადამიანია დაკარგული.

შეგახსენებთ, რომ ავსტრალიაში ხანძარი სექტემბერში გაჩნდა. დამწვარია 1300-ზე მეტი სახლი და 5.25 მილიონ ჰექტარზე მეტი ტერიტორია.