მცხეთაში, რესტორან “მარიანი ჰოლში” “ქართული ოცნების” წევრები შეიკრიბნენ
დღეა აქ მმართველ გუნდს კორპორატიული საღამო ჰქონდა, რომელსაც ბიძინა ივანიშვილი მინისტრებთან ერთად ესწრებოდა. რესტორანში იმყოფებოდნენ ის დეპუტატებიც, რომლებმაც რამდენიმე კვირის წინ ივანიშვილის ,, არ დაეთანხმნენ” და მისი მოწოდების მიუხედავად, 2020 წლის საპარლამენტო არჩევნების პროპორციული წესით ჩატარების კანონპროექტი ჩააგდეს.
კორპორატიული წვეულება, რომელიც მცირე ხნის წინ დასრულდა, მთელი ამ ხნის მანძილზე სამოქალაქო აქტივისტების პროტესტის ფონზე მიმდინარეობდა.
მოძრაობის “გაბედე” წევრებმა, რესტორანთან თეფშით 1.18 თეთრი მიიტანეს და ჯანდაცვის კომიტეტის თავმჯდომარეს, დიმიტრი ხუნდაძეს თეფშის სახლში წაღება შესთავაზეს.
რესტორან “მარანი ჰოლიდან” გამოსვლისას, “ქართული ოცნების” პიარის ხელმძღვანელმა ლაშა ნაცვლიშვილმა ჟურნალისტებთან კომენტარი გააკეთა და განაცხადა, რომ საქართველოში ყველაფერი ნორმალურადაა..
“საქართველოში ყველაფერი ნორმალურადაა, ყველაფერი მშვიდობით არის, ისე, როგორც სჭირდება თქვენს სამშობლოს, თქვენს სიმშვიდეს და თქვენს ბედნიერებას” – განაცხადა მან.
“მარანი ჰოლიდან” გამოსვლისას თავდაცვის მინისტრმა, ირაკლი ღარიბაშვილმა კითხვაზე, თუ რაზე იყო საუბარი შეხვედრისას განაცხადა, რომ ჟურნალისტებზე ისაუბრეს და მათ მიულოცეს ახალი წელი.
“თქვენზე ვისაუბრეთ და მოგილოცეთ ახალი წელის” – უთხრა ჟურნალისტებს თავდაცვის მინისტრმა.
“ახალი წელია. გილოცავთ ახალ წელს. მინდა, ჩვენს ქვეყანას ვუსურვო სიკეთე, ბედნიერება, ყოველივე კარგის მომტანი წელი გვქონოდეს. ეს არის და ეს. ახალი წელია, მეტი არაფერი”- თქვა პარლამენტის ვიცე სპიკერმა, გიორგი კახიანმა ჟურნალისტებთან.
მან არ უპასუხა კითხვებს იმის შესახებ, იყო თუა რა საუბარი პოლიტიკურ კრიზისზე ან ვადამდელ საპარლამენტო არჩევნებზე.
“რა ინსტრუქციები მიიღეთ ივანიშვილისგან? მხოლოდ ახალი წელი მოგილოცათ?”, – ჰკითხეს კახიანს ჟურნალისტებმა.
“ახალი წელი, დიახ”, – უპასუხა მან.