მთავარისიახლეებიპოლიტიკაპრეზიდენტი სააკაშვილი ახალ წელს გვილოცავს: ,,ჩვენ დავიბრუნებთ ჩვენს სიამაყეს და სწრაფ განვითარებას...

პრეზიდენტი სააკაშვილი ახალ წელს გვილოცავს: ,,ჩვენ დავიბრუნებთ ჩვენს სიამაყეს და სწრაფ განვითარებას – 2019 წელი საქართველოში დიდი გამოფხიზლების და გამოღვიძების წელი იყო”

Published on

2019 წელი საქართველოში დიდი გამოფხიზლების და გამოღვიძების წელი იყო, – ამის შესახებ საქართველოს მესამე პრეზიდენტმა მიხეილ სააკაშვილმა  მის მიერ გავრცელებულ ვიდეომიმართვაში განაცხადა. სააკაშვილის შეფასებით, 2019 წელს ქართულმა საზოგადოებამ ბოლომდე დაინახა არსებული გამოწვევები და მისი მოშორება დაიწყო.

„მინდა, მივულოცო საქართველოში მყოფ ყველა ჩვენს თანამემამულეს, მინდა მივულოცო იმ ქართველებს, რომლებიც მთელ მსოფლიოს არიან მოდებული. მინდა საქართველოს ყველა მეგობარს მივულოცო.

2019 წელი საქართველოში დიდი გამოფხიზლების და გამოღვიძების წელი იყო. ქართულმა საზოგადოებამ ბოლომდე დაინახა ის გამოწვევები, რაც გვაქვს და დაიწყო ამ საზიზღრობის მოშორება და თავისი სხეულიდან ჩამოფერთხვა.

ეს ძალიან კარგია იმიტომ, რომ ჩვენი ოჯახები არ იმსახურებენ იმ გაჭირვებას, რომელშიც ისინი ხელოვნურად აღმოაჩინეს. როდესაც ქუთაისის აეროპორტს ვხსნიდი, ჩემთვის ის იყო ევროპაში ფანჯარა, ევროპასთან ერთიანობის სიმბოლო. ახლა ის ისეთი უიმედობის სიმბოლოდ იქცა, როგორც თავის დროზე ყულევის მონათა ბაზარი იყო, საიდანაც ჩვენი ხალხი უცხოეთში გადიოდა იმისათვის, რომ უკან აღარასდროს დაბრუნებულიყვნენ.

ჩვენ დავიბრუნებთ ჩვენს სიამაყეს და სწრაფ განვითარებას. ჩვენ გვჭირდება ერთიანობა და ერთმანეთისთვის ხელის ჩაკიდება. მიუხედავად დღევანდელი სიძნელეებისა, აუცილებლად დავამარცხებთ ამ ბანდას და აუცილებლად მოვიშორებთ მათ მიერ დამკვიდრებულ გაჭირვებას და უპერსპექტივობას.

ცოტაც კიდევ გაძელით ჩემო ძვირფასებო. ეს ბრძოლა ბოლომდე მივა. ჩვენ ყველაფერი გამოგვივა. მართალია სხვადასხვა ქვეყანაში ვართ, მაგრამ ჩვენ გვაერთიანებს ერთი დიდი სიყვარული და ამას ვერაფერი ვერ დაარღვევს,“ – განაცხადა სააკაშვილმა.

სიახლეები

“ოლე ოლას” სიმღერისთვის მომღერალი სოფო ბათილაშვილი 3 000 ლარით დააჯარიმეს

"ოლე ოლას" სიმღერის ვიდეოს გამოქვეყნებისთვის მომღერალი სოფო ბათილაშვილი 3 000 ლარით დააჯარიმეს. გადაწყვეტილება მოსამართლე კობა...

კობახიძე-როგორც რუსეთ-საქართველოს, ისე რუსეთ-უკრაინის ორივე ომის თავიდან აცილება შეიძლებოდა

ჩვენ გამოვიარეთ 2008 წლის რუსეთ-საქართველოს ომი, რომლის თავიდან აცილებაც სრულიად შესაძლებელი იყო, თუმცა არსებობდნენ...

მედია-სანქტ-პეტერბურგში ავტომობილის აფეთქებას რუსი პოლკოვნიკი ემსხვერპლა

რუსეთის საგამოძიებო კომიტეტის ცნობით, 12 ნოემბერს სანქტ-პეტერბურგის პუშკინის რაიონში ავტომობილის აფეთქებას სამხედრო მოსამსახურე ემსხვერპლა....

ევროკავშირის ელჩები შეთანხმდნენ რუსეთის წინააღმდეგ ახალ სანქციებზე, რომლიც 145 იურიდიულ და ფიზიკურ პირს შეეხებათ

ევროკავშირის ელჩები რუსეთის წინააღმდეგ ახალ სანქციებზე შეთანხმდნენ. შეზღუდვები სულ 145 ფიზიკურ და იურიდიულ პირს...