რომის პაპმა ფრანცისკემ შობის წინა დღეს მრევლს წმინდა პეტრეს ტაძრიდან მიმართა და მოუწოდა, რომ ეკლესიის სისუსტეებმა ქრისტეს სიყვარულზე უარი არ ათქმევინოთ.
„შობა გვახსენებს, რომ უფალი აგრძელებს ჩვენს სიყვარულს, ყველაზე ცუდი ჩვენგანის სიყვარულსაც კი. შესაძლოა ცდებოდეთ, ყველაფერი თავდაყირა დააყენოთ, მაგრამ ღმერთს მაინც უყვარხართ,“- განაცხადა პაპმა.
მან მინიშნება კათოლიკურ ეკლესიაში არსებულ პრობლემებზეც გააკეთა და აღნიშნა, რომ რა პრობლემებიც უნდა იყოს ეკლესიაში, ქრისტეს სიყვარულზე უარის თქმას გამართლება არ აქვს.
„რაც უნდა სირთულეები გქონდეთ ცხოვრებაში, რაც უნდა პრობლემები იყოს ეკლესიაში, სამყაროში, ქრისტეს უწყინარ და უანგარო სიყვარულზე უარის თქმას გამართლება არ აქვს,“- განაცხადა პაპმა.