გავლენიანი ამერიკული გამოცემის New York Times-ის ინფორმაციით, ამერიკის შეერთებული შტატების სახელმწიფო დეპარტამენტის განცხადება საპარლამეტო არჩევნებამდე, დარტყმა იქნება საქართველოს მმართველი პარტიისთვის, „ქართული ოცნებისთვის“, რომელსაც ქვეყნის ყველაზე მდიდარი ადამიანი,ბიძინა ივანიშვილი  ხელმძღვანელობს.

გამოცემა წერს, რომ ბოლო დროს საქართველოს მთავრობას ხშირად აკრიტიკებენ სასამართლო რეფორმის პროცესში მიღწეული მცირე პროგრესის და დამოუკიდებელ მედიაზე ზეწოლის გამო. მათივე ცნობით, მიმდინარე თვეში, ამერიკის საელჩომ და ევროკავშირის მისიამ საქართველოს პარლამენტის მიერ უზენაესი სასამართლოს მოსამართლეების უვადოდ არჩევა გააკრიტიკეს, რომელთაც ოპოზიცია ხელისუფლების მხარდამჭერად მიიჩნევდა.

გამოცემა პარლამენტის ყოფილი თავმჯდომარის ირაკლი კობახიძის  განცხადებაზეც ამახვილებს ყურადღებას, სადაც ქართველი კანონმდებელი მიიჩნევს, რომ სახელმწიფო დეპარტამენტის მესიჯი იყო „მხარდაჭერის განცხადება აშშ-დან“.

„თუმცა ოპოზიციამ განაცხადა, რომ სახელმწიფო დეპარტამენტის განცხადება არის მკაფიო მესიჯი საქართველოს მთავრობისადმი, რომელსაც ზოგიერთი მოწინააღმდეგის აზრით, რბილი დამოკიდებულება აქვს რუსეთის მიმართ“, – წერს გამოცემა.