მოძრაობა #სირცხვილიას აქტივისტებმა, ქართული ოცნების ოფისთან სამგლოვიარო პროცესია მოაწყვეს

ისინი აქ სამგლოვიარო მუსიკით მივიდნენ. როსტომ მეფის სასახლესთან მიტანილი ჰქონდათ, გვირგვინი, რომელსაც “Gauqmebulia, Gauqmebulia” აწერია.

“დღეს ქართულ ოცნებას აქვს გლოვის დღე, რადგან მთავარმა პროპაგანდისტულმა იარაღმა, ტროლების ქარხანამ მუშაობა დაასრულა და გაუქმდა ასობით ანტიდასავლური ნარატივისა და ცრუ ინფორმაციის გამავრცელებელი სახელისუფლებო გვერდები, რომელთა რეკლამირებაზეც 316 000$-ზე მეტი დაიხარჯა” – ამბობს აქტივისტი.

სამოქალაქო აქტივისტები ყალბი ამბების გავრცელებას და ტირაჟირებას აპროტესტებენ.

“ექაუნთები ხომ არ გათხოვოთ?” – “გაბედეს” აქტივისტებმა ქართული ოცნების ოფისთან სათამაშო პანდა მიიტანეს.

“ბატონ ბიძინას ფეისბუქმა ყველა პანდა გაუქრო ფეისბუქიდან. ქართული ოცნების ოფისში დავუტოვებთ ამ პანდას, შეუძლია, მოვიდეს, ჩაეხუტოს და მშვიდად დაიძინოს ხელისუფლებაში მისი დარჩენილი დღეების განმავლობაში”- განაცხადა აქციის მონაწილემ.

დაცვის თანამშრომლებმა აქციის მონაწილეებს ოფისში შესვლის საშუალება არ მისცეს.

შეგახსენებთ, რომ რამდენიმე დღის უკან Facebook-მა 300ზე მეტი გვერდი და ათეულობით ყალბი ანგარიში გააუქმა.