ბრიტანეთის პრემიერ-მინისტრის, ბორის ჯონსონის თქმით, ის შეცდა რუსეთთან მიმართებაში და ახლა ფიქრობს, რომ „მოსკოვთან ურთიერთობების გადატვირთვა შეუძლებელია“.
„მე მართლა ვფიქრობდი და ბევრი უცხოელი პრემიერი და მდივანი ფიქრობდა, რომ ჩვენ შეგვეძლო ყველაფერი ხელახლა დაგვეწყო რუსეთთან. ეს უზარმაზარი ქვეყანაა, რომელთან ერთადაც ჩვენ ფაშიზმს ვებრძოდით. ძალიან, ძალიან დასანანია, რომ შევცდი“, – განუცხადა ჯონსონმა ბრიტანულ გამოცემას.
ბორის ჯონსონმა რუსეთზე რამდენიმე დღის წინ, ესტონეთში ვიზიტის დროსაც ისაუბრა. ესტონურ ERR News-თან ინტერვიუში ბრიტანეთის პრემიერმა განაცხადა, რომ მას იმედი ჰქონდა რუსეთთან ურთიერთობები გაუმჯობესდებოდა, თუმცა ორ სახელმწიფოს „საშინელი პრობლემები აქვთ“, რომლებიც მათ დაახლოებას ხელს უშლის.