სამოქალაქო მოძრაობა “ხმა” ექიმ ვაჟა გაფრინდაშვილის მხარდასაჭერ მსვლელობას აწყობს. ქ.ჯვარის კულტურის სახლიდან ორგანიზებულად ეწყობა მსვლელობა სოფელ ფახულანის ე.წ საოკუპაციო ხაზამდე. სოფელ ლიის ცენტრიდან ე.წ საოკუპაციო ხაზამდე კი მსვლელობა იმართბა ველოსიპედებით. აქციის მონაწილეებს ხელში უჭირავთ პლაკატები წარწერებით: “რუსეთი ოკუპანტია””დიდება გმირებს” “აფხაზეთი საქართველოა”
აღნიშნული ღონისძიების ფარგლებში ორგანიზაცია მხარდაჭერას უცხადებს ექიმ ვაჟა გაფრინდაშვილს . სამოქალაქო მოძრაობამ ღონისძიების გამართვის შესახებ ინფორმაცია რამდენიმე დღის წინ გაავრცელა და ახალგაზრდებს აქციაში მონაწილეობისკენ მოუწოდა.
შეგახსენებთ, რომ ცნობილი ქართველი ექიმი ვაჟა გაფრინდაშვილი საოკუპაციო ძალებმა 9 ნოემბერს გაიტაცეს, მას დე-ფაქტო ცხინვალი ე.წ. საზღვრის უკანონო გადაკვეთას ედავება. ვაჟა გაფრინდაშვილის გათავისუფლებსი მოთხოვნით არაერთი აქცია გაიმართა, ეს საკითხი ჟენევის საერთაშორისო მოლაპარაკების მთავარი თემაც გახდა. ვაჟა გაფრინდაშვილს დე-ფაქტო სასამართლომ გუშინ თავისუფლების აღკვეთა 1 წლითა და 9 თვით მიუსაჯა.