ანტიოკუპაციური მოძრაობა “ძალა ერთობაშიას” დამფუძნებელსა და ლიდერს დავით ქაცარავას პროკურატურაში ამ წუთებში ბრალს უყენებენ.
ის უწყებაში მასზე განხორციელებული თავდასხმის საქმეზე, თავდამსხმელთა ამოსაცნობად დაიბარეს, თუმცა, ამ პროცედურის დასრულების შემდეგ თავდამსხმელებზე ძალადობის ბრალდება სს საპროცესო კოდექსის 126-ე მუხლის პირველი ნაწილით წაუყენეს.
დავით ქაცარავა ამ დრომდე პროკურატურაში იმყოფება და დოკუმენტაციის წარდგენას, ანუ, ბრალის ოფიციალურად დადასტურებას ელოდება.
დავით ქაცარავას 2019 წლის 20 აგვისტოს, შიდა ქართლის საოკუპაციო ზოლთან, სოფელ ბობნევში ოთხი უცნობი პირი თავს მაშინ დაესხა, როცა ანტიოკუპაციური მოძრაობის ლიდერი ვანო პაპასთვის მედიკამენტების გადასაცემად მივიდა.
დათო ქაცარავას პოლიცია აცილებდა, თუმცა, თავდამსხმელები სამართალდამცავებს არ მორიდებიან.
დავით ქაცარავასა და ოთხ თავდამსხმელს შორის ფიზიკური დაპირისპირება მოხდა, რის შემდეგაც თავდამსხმელებმა გაქცევით უშველეს თავს. დავით ქაცარავას ფიზიკური დაპირისპირების შედეგად მცირე დაზიანებები აღენიშნებოდა.