დონალდ ტრამპი იმპიჩმენტზე – მე ცუდი არაფერი გამიკეთებია! რა საშინელებაა! წაიკითხეთ ჩანაწერები. ეს სხვა პრეზიდენტს აღარ უნდა დაემართოს. ილოცეთ!“

0
447

აშშ-ის წარმომადგენელთა პალატა პრეზიდენტ დონალდ ტრამპის იმპიჩმენტის პროცედურის დაწყებისთვის ემზადება. დებატები 6 საათის მანძილზე გაგრძელდება. ხმის მიცემის შემდეგ პროცესი აშშ-ის სენატში გადაინაცვლებს.

იქამდე, დონალდ ტრამპმა „ტვიტერის“ საკუთარ გვერდზე დემოკრატები გააკრიტიკა და განაცხადა, რომ მას არაფერი დაუშავებია.

„თქვენ გჯერათ, რომ დღეს ჩემი იმპიჩმენტი მოხდება რადიკალი მემარცხენეების მიერ? ნურაფერს გააკეთებთ დემოკრატებო, მე ცუდი არაფერი გამიკეთებია! რა საშინელებაა! წაიკითხეთ ჩანაწერები. ეს სხვა პრეზიდენტს აღარ უნდა დაემართოს. ილოცეთ!“ – დაწერა ტრამპმა.

შეგახსენებთ, დონალდ ტრამპს ძალაუფლება ბოროტად გამოიყებენაში ადანაშაულებენ. იმპიჩმენტის მომხრეების თქმით, ტრამპი უკრაინის პრეზიდენტ ვლადიმერ ზელენსკის ზეწოლას ახდენდა და სთხოვდა, პოლიტიკური მოწინააღმდეგის, ჯო ბაიდენისა და მისი შვილის წინააღმდეგ კორუფციის საქმეზე გამოძიება დაეწყო.

წინა სტატიაეროვნული ბანკის მონაცემებით, 1 აშშ დოლარის ოფიციალური ღირებულება დღეს 2.9044 ლარი იყო, ხვალიდან 2.9055 ლარი ხდება
შემდეგი სტატია„ლუკასთვის“, „მკვლელი სისტემა“, – ამ წარწერებით ზუგდიდში ლუკა სირაძის გარდაცვალების ფაქტთან დაკავშირებით საპროტესტო აქცია გაიმართა [Video]
ტელეკომპანია ოდიშის საინფორმაციო სამსახური