ფრაქცია “ნაციონალური მოძრაობის” თავმჯდომარემ რომან გოცირიძემ ჟურნალისტებს განუცხადა, რითაც სალომე ზურაბიშვილის პრეზიდენტობის 1 წელი შეაფასა. მისი თქმით, ზურაბიშვილის პრეზიდენტობის ერთი წელი შეიძლება ერთი ფრაზით შეფასდეს: “ის მოსიარულე და მოლაპარაკე საფრთხეა”. ამ ერთი წლის განმავლობაში სალომე ზურაბიშვილმა 10 წლის ნორმა შეასრულა და იმდენი განცხადება გააკეთა და იმდენი ქმედება ჩაიდინა, რომელიც 10 წლის განმავლობაში ეყოფოდა არაკვალიფიცირებულ და უგუნურ პრეზიდენტს.
„სალომე ზურაბიშვილი რაც ნაკლებს ილაპარაკებს და რაც ნაკლებს ივლის, ქვეყნის ინტერესებისთვის უკეთესი იქნება. ყოველი მისი გამოჩენა ან საზღვარგარეთ გასვლა იწვევს შიშის გრძნობას, რომ ქვეყნის ინტერესები არ დააზიანოს. პასუხისმგებლობა შექმნილ ვითარებაზე ეკისრება “ქართულ ოცნებას” და პირადად ბიძინა ივანიშვილს , რომელმაც ვალების ჩამოწერითა და სხვა მანიპულაციებით ქალბატონ სალომეს პრეზიდენტობა უყიდა,”- განაცხადა გოცირიძემ.