კავკასიის გარემოსდაცვითი არასამთავრობო ორგანიზაციების ქსელის მიერ ჭუბერის ხეობაში არსებული დიდხნოვანი უთხოვრების აღმოჩენის შესახებ ინფორმაცია და დისკუსია გაიმართა ზუგდიდში.შეხვედრის მონაწილეებს ბუნების ამ უნიკალური ძეგლების დაცვისა და მდგრადი მართვის შესაძლებლობებზე ინფორმაცია მიაწოდეს ორგანიზაციის მკვლევარებმა. სვანეთის ტყეში ექსპედიციამ 1 600 წლის უთხოვარს მიაკვლია. დაცული ტერიტორიების სააგენტოს მეტყევე სპეციალისტი, ავთანდილ მიქაბერიძე აცხადებს,რომ შესწავლილი 9 ხიდან ყველაზე ძველი, 1360 წლისაა, თუმცა მიქაბერიძის თქმით, უფრო დიდი ხნოვანების ხეებიც არის, თუმცა მათი ასაკის დადგენა რთულია. ლაბორატორიული კვლევები ილიას უნივერსიტეტში ჩატარდა.კავკასიის გარემოსდაცვითი არასამთავრობო ორგანიზაციების ქსელის რეკომენდაციაა, რომ სვანეთის უნიკალური ტყე, სადაც დიდხნოვანი უთხოვრებია აღმოჩენილი, დაცული უნდა იყოს, არ მოხდეს ხეების მოჭრა და მას მიენიჭოს დაცული ტერიტორიის სტატუსი, მასზე პასუხისმგებლობა ვინმემ უნდა აიღოს, რადგან ორგანიზაციის განმარტებით, ტერიტორიას ტურისტული განვითარების პერსპექტივა აქვს.შეხვედრას ნენსკრა ჰესის მშენებელი კომპანიის წარმომადგენელიც ესწრებოდა, რომელმაც განაცხადა, რომ ტერიტორია ჰესის მშენებლობის არეალში ექცევა და მისი გაკაფვის ალბათობა დიდია.
სვანეთის ტყისთვის, სადაც დიდხნოვანი უთხოვრებია აღმოჩენილი, სენი დაცული ტერიტორიის სტატუსის მინიჭებას ითხოვს
Published on