გიგი უგულავას აღკვეთის სახით 2000-ლარიანი გირაო შეეფარდა

0
390

დღევანდელ სასამართლო სხდომაზე ბრალდების მხარე უგულავასთვის აღკვეთის ღონისძიების სახით გირაოს შეფარდებას ითხოვდა, რასაც დაცვის მხარე არ დაეთანხმა. სასამართლო პროცესი გიგი უგულავას მონაწილეობის გარეშე ჩატარდა. “ევროპული საქართველოს” ერთ-ერთ ლიდერს, ბრალდებულ გიგი უგულავას აღკვეთის ღონისძიების სახით 2 000-ლარიანი გირაო შეეფარდა, რომლის შესატანად 30 დღე მიეცა.

ამასთან, მოსამართლის გადაწყვეტილებით, უგულავამ საგამოძიებო უწყებას უნდა ჩააბაროს პირადობის დამადასტურებელი დოკუმენტი და პასპორტი.

საქმეზე წინასასამართლო სხდომა 2020 წლის 30 იანვარს დაინიშნა.

შ​სს-ს ინფორმაციით, თბილისის აეროპორტში ფიზიკურ დაპირისპირებასთან დაკავშირებით, გიგი უგულავას და ინციდენტის ერთ-ერთ მონაწილეს ბრალი ძალადობის მუხლით წარედგინათ, გოკა გაბაშვილი და ინციდენტის ასევე ერთ-ერთი მონაწილე დაზარალებულად სცნეს.

შეგახსენებთ, რომ ინციდენტი გუშინ დილას თბილისის აეროპორტში მოხდა. „ევროპული საქართველოს“ ინფორმაციით, ორი მამაკაცი გიგი უგულავასა და გოკა გაბაშვილს თავს დაესხა და ფიზიკურად გაუსწორდა.

წინა სტატიაბრაზილიელი მამაკაცი საკუთარი დედის იმიტირებისთვის დააკავეს – მას სურდა მისი დედის ნაცვლად ჩაებარებინა მართვის მოწმობის გამოცდა
შემდეგი სტატიაოჯახი დღეს ექიმ ვაჟა გაფრინდაშვილის გათავისუფლებას ელოდება
ტელეკომპანია ოდიშის საინფორმაციო სამსახური