საპროცედურო კომიტეტის 11 წევრიდან 9 დეპუტატმა “ნაციონალური მოძრაობის” ერთ-ერთი ლიდერის ნიკა მელიასთვის სადეპუტატო უფლებამოსილების შეწყვეტას მხარი დაუჭირა.
საკითხს მოგვიანებით სესიაზე უყრიან კენჭს. თავად ნიკა მელია დარწმუნებულია, რომ პარლამენტის უმრავლესობა მისთვის დეპუტატის მანდატის შეწყვეტას კენჭისყრაზე მხარს დაუჭერს. საპროცედურო საკითხთა კომიტეტმა დღევანდელ სხდომაზე ასევე მხარი დაუჭირა აკაკი ზოიძისთვის სადეპუტატო უფლებამოსილების შეჩერების საკითხს. ზოიძემ უმრავლესობისა და პარლამენტის დატოვების შესახებ განცხადება რამდენიმე დღის წინ გააკეთა.