ევრონესტის თანათავმჯდომარემ, ლიტვის ყოფილმა პრემიერმინისტრმა და ევროპარლამენტის წევრმა ანდრიუს კუბილიუსმა ოპოზიციის ლიდრებისა და ევროპარლამენტარების შეხვედრის დასრულების შემდეგ განაცხადა, რომ საქართველოს ხელისუფლების მხრიდან დაპირების ვერ შესრულებამ პოლიტიკური კრიზისი შექმნა.
,,შეხვედრაზე ჩვენ განვიხილეთ, რა თქმა უნდა, საქართველოში ბოლო დროს განვითარებული მოვლენები. ჩვენ შეშფოთებულები ვართ. განვიხილავდით, თუ როგორ შეიძლება გადაიჭრას ეს სიტუაცია. რა თქმა უნდა, გვსურს ქართული დემოკრატია უფრო დაბალანსებული განვითარებისაკენ წავიდეს. საარჩევნო სისტემის პროპორციულობა იქნება მისასალმებელი. ამ დროისათვის შეგვიძლია მხარი დავუჭიროთ დიალოგს და ამ დიალოგში ვხედავთ მმართველ პარტიაზე დიდ პასუხისმგებლობას, რადგან, სამწუხაროდ, მათი მხრიდან დაპირების ვერ შესრულებამ შექმნა ეს პოლიტიკური კრიზისი. ჩვენ საქართველოს მეგობრები მოველით საქართველო ევროკავშირში ინტეგრაციას და გვაშფოთებს არსებული სიტუაცია.”– განაცხადა კუბილიუსმა