ბათუმის საზღვაო აკადემიაში პრემიერ-მინისტრ გიორგი გახარიას მისვლა არასამთავრობო ორგანიზაცია „ალტერნატივას“ და „ერთიანი ნაციონალური მოძრაობის“ წევრებმა გააპროტესტეს. ისინი საქართველოს პრემიერ-მინისტრთან შეხვედრას ითხოვდნენ. აქციის მონაწილეების განცხადებით, მათ გიორგი გახარიასთან შეკითხვები ჰქონდათ “გავრილოვის ღამესთან”, მაკო გომურის საქმესა და საარჩევნო სისტემასთან დაკავშირებით.
სამართლადამცველებმა მათ პრემიერთან მიახლოების საშუალება არ მისცეს.
„თვალთხარია გახარიასთან შეკითხვები გვქონდა 20 ივნისის ღამეზე, მაკო გომურის საქმესა და ქვეყანაში მიმდინარე პოლიტიკურ პროცესებზე. ჩვენ არ მოგვეცა შეკითხვების დასმის საშუალება. გახარია ჩვენს კითხვებს გაექცა“, – განაცხადა „ალტერნატივას“ წევრმა ხათუნა ბერიძემ.
შეგახსენებთ, საქართველოს პრემიერ-მინისტრი საზღვაო აკადემიაში იმყოფებოდა, ის სტუდენტებს შეხვდა და სამომავლო გეგმებსა და პროექტებზე ესაუბრა.