დიდი ოდენობით ნარკოტიკების შეძენა-შენახვის ბრალდებით დაკავებულ, ათონის მთაზე მოღვაწე ბერს გიგა ქავთარაძეს, ფოთის დროებითი მოთავსების იზოლატორში ბრალი ოფიციალურად წაუყენეს.. როგორც დაკავებულის უფლებადამცველმა ჯიტა გულუამ განაცხადა, ბერი დანაშაულს აღიარებს და აღკვეთ ღონისძიებაზე ზუგდიდის რაიონული სასამართლო სავარაუდოდ ხვალ იმსჯელებს. შეგახსენებთ, რომ ზუგდიდში, ნარკოტიკული საშუალების შეძენა-შენახვის ბრალდებით ორი პირი დააკავეს, გიგა ქავთარაძე და რომან მალანია. ერთ-ერთი დაკავებული ათონის მთაზე მოღვაწე 32 წლის მამა სვიმონ ქავთარაძეა. ამ საქმეზე კიდევ ერთ დაკავებულ პირს რ.მ-ს სასამართლომ აღკვეთის სახით 10 ათასი ლარიანი გირაო შეუფარდა. მას ამისათვის 30 დღიანი ვადა მიეცა, რაც იმას ნიშნავს, რომ თანხის გადახდამდე იგი საპატიმროში დარჩება.