მოძრაობა “გაბედეს” წევრები ნაძალადევის მაჟორიტარი დეპუტატის სოფიო კილაძის ბიუროსთან აქციას მართავენ.
მათ ცოტა ხნის წინ ბიუროს ოფისში შესვლა და კილაძესთან გასაუბრება მოითხოვეს. თავიდან აქციის მონაწილეებს პოლიცია ამის საშუალებას არ აძლევდა, თუმცა შემდეგ შენობაში შეუშვა.
მათი თქმით, კილაძესთან რამდენიმე შეკითხვა აქვთ, მათ შორის, რატომ არ იღებს ხმას, როდესაც სხვადასხვა რეგიონებში აქტივისტებს თავს ესხმიან და ფიზიკურად უსწორდებიან, ასევე, „რატომ არ უჭერს მხარს პროპორციულ საარჩევნო სისტემას?“.
აქტივისტების თქმით, მათ თან აქვთ სიმბოლურად “41 ვერცხლი” და თუ კილაძე არ შეხვდება, ბიუროსთან დაუტოვებენ. ჯერჯერობით, მათ ბიუროდან არავინ გამოხმაურებია.
ბიუროსთან აქტივისტები ჩაფხუტებით მივიდნენ. მათი განმარტებით, “ქართული ოცნება” ყველგან კონტრაქციას ახვედრებს და ეს ჩაფხუტები თავდაცვის მიზნით აქვთ.
ბიუროსთან ახლა სიმშვიდეა და 20-მდე სამართალდამცავია მობილიზებული