მთავარისიახლეებიმსოფლიოSpiegel-ი: ,,უახლოეს დღეებში შესაძლოა გერმანიამ ხანგოშვილის მკვლელობაში რუსეთი ოფიციალურად დაადანაშაულოს - რუსეთთან...

Spiegel-ი: ,,უახლოეს დღეებში შესაძლოა გერმანიამ ხანგოშვილის მკვლელობაში რუსეთი ოფიციალურად დაადანაშაულოს – რუსეთთან დაძაბულობა გარდაუვალია”

Published on

მსოფლიოს ერთ-ერთი ყველაზე ავტორიტეტული გერმანულენოვანი გამოცემა Der Spiegel ბერლინში მოკლული ქართველის, ზელიხმან ხანგოშვილის მკვლელობის საქმის გამოძიებას გამოეხმაურა.

გამოცემის მიერ მომზადებულ მასალაში ნათქვამია, რომ გამომძიებლებმა გარღვევას მიაღწიეს. Spiegel-ის ცნობით, გამოძიებით პირადად არის დაინტერესებული გერმანიის გენერალური პროკურორი, პეტერ ფრანკი.

არსებული ინფორმაციით, ფრანკი საქმეს პირად კონტროლზე უახლოეს დღეებში გადაიბარებს. Der Spiegel-ის წყაროს ინფორმაციით, ფრანკს მყარი ეჭვი აქვს, რომ ხანგოშვილის მკვლელობა რუსეთის სპეცსამსახურების მიერ არის ორგანიზებული. ამგვარად უახლოეს დღეებში შესაძლოა გერმანიამ ხანგოშვილის მკვლელობაში რუსეთი ოფიციალურად დაადანაშაულოს.

მოცემულ ფონზე, გამოცემა ვარაუდობს, რომ რუსეთთან პოლიტიკური დაძაბულობა კიდევ უფრო გაიზრდება. 

2019 წლის 23 აგვისტოს ბერლინის ცენტრალური მეჩეთისკენ მიმავალი საქართველოს მოქალაქე, ყოფილი ჩეჩენი მებრძოლი და პანკისის მკვიდრი 40 წლის ზელიმხან ხანგოშვილი მოკლეს. მკვლელობისთვის დაპატიმრებულს რუსული პასპორტი აღმოაჩნდა.

Bellingcat-ის და Insider-ის ჟურნალისტურ გამოძიებაში თავიდანვე ჩართული იყო Der Spiegel-იც. სწორედ, ამ სამი მედიის მეშვეობით დადგინდა, რომ მკვლელობაში ბრალდებულს რუსული პასპორტი აღმოაჩნდა. ცნობილი გახდა მკვლელის გადაადგილების მარშრუტი და სხვა მნიშვნელოვანი დეტალები. 

სიახლეები

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...

ყირიმის ხიდზე დარტყმის შედეგად ერთ-ერთი თაღი ჩამოინგრა

ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი...

ოჯახის წევრის მიმართ, შეკვეთით განზრახ მკვლელობის მომზადების ბრალდებით, ერთი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ინტენსიურ რეჟიმში ჩატარებული ოპერატიული ღონისძიებებისა და...