პარლამენტის ყოფილ თავმჯდომარეს, უმრავლესობის წევრს ირაკლი კობახიძეს „ქორთიარდ მარიოტში“ რეგიონალურ საპარლამენტო კონფერენციაზე დასასწრებად მისვლა მოძრაობა „სირცხვილიას“ წევრების სირცხვილის კორიდორის გავლით მოუხდა.
,,მონა“, „პროპორციული დაიდოს“ – ამ შეძახილებით შეხვდნენ მას სამოქალაქო აქტივისტები
აქციის მონაწილეები აცხადებენ, რომ ირაკლი კობახიძეს აქვე დაელოდებიან და გამოსვლისას ისევ მოუწყობენ „სირცხვილის კორიდორს“.
“აქ მოვედით იმისთვის, რომ ირაკლი კობახიძეს მოვუწყოთ სირცხვილის კორიდორი, რადგან ის არის ყველაზე დიდი მონა,ბიძინა ივანიშვილის მონა. ჩვენ გავაგრძელებთ მათთვის დისკომფორტის შექმნას, რადგან ასე უტიფრად, თავისუფლად არ შეეძლოთ გადაადგილება”, – განუცხადა “სირცხვილიას” აქტივისტმა, თამთა გოგოლაძემ მედიას
აქციის მონაწილეებს თან აქვთ პლაკატები: „წლის საუკეთესო მონა”, „თავისუფლება ირაკლი კობახიძეს”.
ივანიშვილის კლანჭებში ნებაყოფლობთ მოქცეულ ირაკლი კობახიძეს მედიასთან კომენტარი არ გაუკეთებია.