დღეს დილით სოხუმში ოკუპირებული აფხაზეთის ე.წ. პარლამენტის შენობასთან სამასამდე კაცი შეიკრიბა და სოხუმში 22 ნოემბერს მომხდარი სროლისას მოკლული ალხაზ ავიძბასა და ასტამურ არშბას ნათესავებთან და ახლობლებთან ერთად შს მინისტრის გადაყენება მოითხოვა.
მათ განუცხადეს, რომ აფხაზეთის დე – ფაქტო პრეზიდენტმა უკვე მოაწერა ხელი შს მინისტრის გარი არშბას გადაყენების შესახებ, თუმცა აქციის მონაწილეები კვლავ მოედანზე რჩებიან და დაშლას არ ჩქარობენ. ისინი აცხადებენ, რომ მინისტრის გადაყენება არ კმარა და მან დაუყოვნებლივ უნდა დატოვოს აფხაზეთის ტერიტორია .
არ დავიშლებით მანამ, სანამ არ შევიტყობთ ვის დანიშვნას აპირებს პრეზიდენტი ამ თანამდებობაზე – მოვითხოვთ პრეზდენტმა მიგვიღოს და განგვიმარტოს რას გეგმავს არა მხოლო ამ კონკრეტული შემთხვევის გამოძიებისა და დამნაშავეთა დასჯის, არამედ ზოგადად ქვეყანაში არსებული მძიმე კრიმინოგენული სიტუაციის განმუხტვის მიზნით – აცხადებს მიტინგის ერთერთი ორგანიზატორი, აფხაზეთში ცნობილი პოლიტიკოსი სერგეი შამბა
ამ წუთებში ცნობილი ხდება, რომ ხაჯიმბამ კიდევ ერთი გადაწყვეტილება მიიღო – მან ჩაატარა თათბირი ძალოვაი სტრუქტურების ხელმძღვანელებთან და განუცხადა, რომ აფხაზეთი პარლამენტში შევა წინადადებით დაკავებული თანამდებობიდაან გენერალური პროკურორის გადაყენების შესახებ – ინფორაციას ამის შესახე ,,სპუტნიკ აბხაზია” ავრცელებს