მთავარისიახლეებიპოლიტიკა"ჩვენ ვერ წავალთ იქედან, სადაც თავისუფლება მოვიპოვეთ..."- ნიკა გვარამია

“ჩვენ ვერ წავალთ იქედან, სადაც თავისუფლება მოვიპოვეთ…”- ნიკა გვარამია

Published on

მთავარი პროკურატურისა და ხელისუფლების ვერტიკალის აზრის საპირისპიროდ, “მთავარი არხის” გენდირექტორი ნიკა გვარამია ქვეყნიდან წასვლას არ აპირებს, – მან ოჯახის წევრებთან საუბრის შემდეგ მიღებული გადაწყვეტილება გაასაჯაროვა და თქვა, რომ თვითონაც და მისი ოჯახის წევრებიც რჩებიან ქვეყანაში, სადაც თავისუფლება მოიპოვეს და სადაც თავიანთი გამბედაობით ბიძინა დაამარცხეს.

შეგახსენებთ, ნიკა გვარამიას ოჯახის წევრებზე განხორციელებული ვიდეოთვალთვალის კადრები გვარამიას საქმეს თან დაურთეს და თავად გვარამიასაც გაუგზავნეს. დღეს ნიკა გვარამიამ “ფეისბუქზე” დაწერა, რომ “მთავარ აქცენტებში” ოჯახის წევრებთან ერთად გაასაჯაროვებდა გადაწყვეტილებას ქვეყნის დატოვების შესახებ, რასაც მთავარი პროკურატურის განცხადება მოჰყვა. განცხადებაში პროკურატურა ხაზგასმით აღნიშნავდა, რომ აღძრული სს საქმეების გამო, გვარამიას მათი ნებართვის გარეშე ქვეყნის დატოვება არ შეეძლო. ნიკა გვარამიას სტატუსს დიდი გამოხმაურება მოჰყვა. სოციალური ქსელის იუზერები, მათ შორის ისეთებიც, ვინც პირადად არ იცნობდა ნიკა გვარამიას, მის ოჯახს სრულ მხარდაჭერას უცხადებდნენ და ნიკა გვარამიას სთხოვდნენ, ქვეყანა არ დაეტოვებინა.

“მთავარ აქცენტებში” ნიკა გვარამიამ დასკვნის სახით საბოლოო გადაწყვეტილება გამოაცხადა:

“ჩვენ (ოჯახის წევრებმა, -რედ.) დიდხანს ვისაუბრეთ და შევჯერდით, ზუსტად ამიტომ მე გადავწყვიტე, რომ გამომეცხადებინა ჩვენ წასვლასთან დაკავშირებული გადაწყვეტილება, ამ ქვეყნიდან წასვლასთან დაკავშირებული გადაწყვეტილება. ჩვენ ვერ წავალთ იქიდან, სადაც თავისუფლება მოვიპოვეთ, მე, მამამ, ეკამ , ზვიადმა და სხვებმა, ჩვენ ვერ წავალთ იქიდან, სადაც ვაშენეთ ახალი, ევროპული, წარმატებული, ქვეყანა, მეც მათ შორის, მაგრამ ჯერ მიშამ და სხვებმა, ჩვენ ვერ წავალთ იქიდან, სადაც ბიძინა დავამარცხეთ ჩვენი გამბედაობით, შიშველი ხელებით,თანმიმდევრულობით და სიმართლით, ჩვენ ვერ წავალთ იქიდან, სადაც გვაქვს მორალური უპირატესობა სრული სიმართლის სახით და მორალური ვალდებულება ილია ჭავჭავაძის ქვეყნის დაცვის. ჩვენ ვერ და არ გავაკეთებთ ამას, ჩვენ ვრჩებით აქ…” – განაცხადა ნიკა გვარამიამ “მთავარ აქცენტებში”.

სიახლეები

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...

ყირიმის ხიდზე დარტყმის შედეგად ერთ-ერთი თაღი ჩამოინგრა

ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი...

ოჯახის წევრის მიმართ, შეკვეთით განზრახ მკვლელობის მომზადების ბრალდებით, ერთი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ინტენსიურ რეჟიმში ჩატარებული ოპერატიული ღონისძიებებისა და...