მთავარისიახლეებიპოლიტიკადავით უსუფაშვილი - სააკაშვილი ივანიშვილისთვის ყველაზე ღირებული სახელი და გვარია დედამიწის ზურგზე

დავით უსუფაშვილი – სააკაშვილი ივანიშვილისთვის ყველაზე ღირებული სახელი და გვარია დედამიწის ზურგზე

Published on

სააკაშვილი ივანიშვილისთვის ყველაზე ღირებული სახელი და გვარია მთელი დედამიწის ზურგზე, რადგან ამ საფრთხობელას შექმნით აპირებს ფონს გასვლას. ეს მითი და მისი პიარკონსტრუქცია უნდა დაირღვეს – განაცხადა დავით უსუფაშვილმა. „ლელოს“, „შენების მოძრაობის“ და „ახალი მემარჯვენეების“ პოლიტიკურ თანამშრომლობის დაწყების თაობაზე ისაუბრა.

„დღეს ჩვენი ერთად დადგომა საკონსულტაციო საკორდინაციო რეჟიმში განაპირობა იმ საფრთხემ, რომელიც ქვეყანას ემუქრება. ხელისუფლება დაინტერესებულია ვითარების ესკალაციით, ამ ესკალაციის შედეგად არეულობის ფონზე არჩევნების ჩატარებით და ასე ხელისუფლების გაგრძელებით, ეს სრულიად აშკარად ჩანს. ჩვენ ამ შემთხვევაში გვაერთიანებს ძალიან მყარი რწმენა იმის თაობაზე, რომ ქვეყანას პროპორციული არჩევნები სჭირდება, თუ პროპორციული არჩევნები არ იქნება, მაშინ ჩვენ უნდა ვიყოთ მზად ნებისმიერი არჩევნებისთვის, ნებისმიერ დროს იმისთვის, რომ იმ ხალხს, იმ ძალებს, მოქმედ ხელისუფლებას, ვისთვისაც ძალაუფლება თვითმიზნად იქცა და მზად არის შესწიროს ყველა და ყველაფერი -ქვეყნის პრესტიჟი, ეკონომიკური მდგომარეობა, ადამიანის კეთილდღეობა, უსაფრთხოება და ა.შ. ამის საშუალება არ მივცეთ“, – განაცხადა უსუფაშვილმა.

უსუფაშვილის თქმით, მომავალი აჩვენებს თუ რა რეჟიმში გააგრძელებენ ისინი თანამშრომლობას წინასაარჩევნო პერიოდში და შემდეგ უკვე პარლამენტში.

„ლელო“, „შენების მოძრაობა“ და „ახალი მემარჯვენეები“ დღეიდან ჩვენს სხვა ნაბიჯებსაც შევათანხმებთ ერთმანეთთან, პროპორციულ არჩევნებთან დაკავშირებით საერთო ოპოზიციურ ფორმატში ჩვენი საქმიანობის გარდა, რომელსაც რა თქმა უნდა, გავაგრძელებთ. ჩვენ საარჩევნო პროცესს ვუყურებთ კოორდინირებულად, შესაძლოა, ვიყოთ პარტნიორები საარჩევნო პროცესში, შესაძლოა, ვიყოთ კონკურენტები საარჩევნო პროცესში და პარტნიორები უკვე პარლამენტში, რასაც მომავალი გვიჩვენებს, მთავარია, კოორდინაცია ეფექტური იყოს. ჩვენს მომხრეებს და ყველა იმ მოქალაქეს მივმართავთ, რომელიც დაიღალა „ქოც-ნაცური“ თუ „ნაც-ქოცური“ დაპირისპირებით, როდესაც სააკაშვილი ივანიშვილისთვის ყველაზე ღირებული სახელი და გვარია მთელ დედამიწის ზურგზე, რადგან ამ საფრთხობელას შექმნით აპირებს ფონს გასვლას, ეს მითი და მისი პიარკონსტრუქცია უნდა დაირღვეს. ჩვენი მიმართვა იქნება საქართველოს მოქალაქეებისთვის, იმ ხალხისთვის, ვინც არ არის ვინმეს გაქრობის და აორთქლების მომხრე, იქნება ეს „ნაციონალი“ თუ „ოცნების“ წარმომადგენელი, მაგრამ საქართველო წარმოუდგენია სხვაგვარიც, არა მაინცდამაინც წარსულის დაბრუნებით, დღევანდელის გაგრძელებით, არამედ განსხვავებულით. ამ მოქალაქეებს მივმართავ, რომ ჩვენ გვაქვს მათი იმედიც, მათ ჰქონდეთ ჩვენი იმედი“, – განაცხადა უსუფაშვილმა.

სიახლეები

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...

ყირიმის ხიდზე დარტყმის შედეგად ერთ-ერთი თაღი ჩამოინგრა

ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი...

ოჯახის წევრის მიმართ, შეკვეთით განზრახ მკვლელობის მომზადების ბრალდებით, ერთი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ინტენსიურ რეჟიმში ჩატარებული ოპერატიული ღონისძიებებისა და...