წელს სახელმწიფო ქონების ეროვნულმა სააგენტოს ცნობით, წელს ვერც ერთი სახელმწიფო საწარმო ვერ გაიყიდა.  თუმცა იმედოვნებენ, რომ წლის ბოლომდე 100 მილიონ ლარამდე ღირებულების ქონება გაიყიდება.

დღეს ეკონომიკისა და მდგრადი განვითარების მინისტრმა, ნათია თურნავამ 100 საპრივატიზებო ობიექტი წარადგინა. სახელმწიფო ქონების გაყიდვის მიზნით აუქციონები დღეიდან იწყება.

მინისტრის თქმით, უქციონი უახლოესი 12 თვის განმავლობაში გაგრძელდება – ,, ინვესტორებს ეტაპობრივად შევთავაზებთ ყველა იმ ქონებას, რაც გვაქვს და რაც აქამდე არ იყო ჩართული ეკონომიკურ ბრუნვაში. მისივე თქმით, პირველ ეტაპზე მთლიანობაში საუბარია სულ მცირე 150 მილიონი ლარის საწყისი ღირებულების ობიექტებზე, საიდანაც მოსალოდნელი ინვესტიცია 200 მილიონი ლარია. რაც მთავარია, ამ ციფრების მიღმა დგას ახალი სამუშაო ადგილები. ამ ობიექტების გაყდვის შედეგად აშენდება სასტუმროები, ახალი საწარმოები, ფერმები თუ სხვა ობიექტები, რომელიც დაახლოებით 2 500 ახალ სამუშაო ადგილს შექმნის“, – განაცხადა ნათია თურნავამ.

ამასთან, მინისტრის თქმით, შეთავაზება განკუთვნილია არა მხოლოდ მსხვილი ბიზნესისთვის, არამედ მცირე ბიზნესისთვისაც, იქნება ეს სატბორე თუ ფერმერული მეურნეობა, რომლებიც რეგიონებში დაასაქმებენ ადამიანებს , რაც ძალიან მნიშვენლოვანია.

„რაც შეეხება მსხვილ ობიექტებს, აუქციონზე ნახავთ მაგალითად, ყოფილი მიხაილოვის საავადმყოფოს. ასევე გეტყვით, რომ სია იქნება შევსებადი და მუდმივად განახლდება. უახლოეს დღეებში ასევე დაემატება წყნეთის აგარაკები, რომლის შეფასების პროცესი ცოტა ხანში დასრულდება. გვინდა, რომ ბიზნესს გამზადებული პროექტები წარვუდგინოთ და მათ მხოლოდ ერთი რამ დარჩეთ, მიიღონ მონაწილეობა აუქციონში, შეიძინონ და ააშენონ ახალი ობიექტები“, – განაცხადა ნათია თურნავამ.