ქართველი ახალგაზრდა, სალომე უროტაძე, რომელიც SpaceX-თან 2019-წლიდან თანამშრომლობს, ფიზიკის მიმართულებით შექმნილი საკუთარი ნამუშევრით, შესაძლოა ნობელის პრემიაზე წარადგინონ — ამის შესახებ ინფორმაციას Marketer ავრცელებს. ხატია თორდუასთან ვრცელ ინტერვიუში სალომემ საკუთარ კარიერულ მიღწევებზე ისაუბრა.
20 წლის AI დეველოპერს, რომელიც უკვე Microsoft-ში მუშაობს და SpaceX-ის გარდა Neuralink-თანაც თანამშრომლობს, დრო ფიზიკის თეორიების დასაწერადაც რჩება.
“მიუხედავად იმისა, რომ ზედმეტად აქტიურად ვარ AI-ზე გადართული, ფიზიკაში ჩემთვის ყველაზე მნიშვნელოვანი თეორიის წერა დავასრულე, რითიც ნობელის კომიტეტი დაინტერესდა. მიმიწვიეს და სავარაუდოდ, მალე უფრო გრანდიოზულ ამბებსაც გაგაგებინებთ”, — ამბობს სალომე Marketer-თან ინტერვიუში.
ნობელის პრემია ყოველწლიური საერთაშორისო პრემიაა, რომელსაც სხვადასხვა დარგში განსაკუთრებული მიღწევების მქონე ადამიანებს გადასცემენ ხოლმე.
სალომე კი სულაც არ ამაყობს ამით, თუმცა აღნიშნავს, რომ მეშვიდე კლასიდან სკოლაში არ უვლია, რადგან ეს დროის კარგვად მიაჩნდა. ყოველ წლის ბოლოს კი ექსტერნებს აბარებდა, რათა თავისუფალი დრო საკუთარი თავის განვითარებისთვის დაეთმო