სამართალდამცავები არასამთავრობო ორგანიზაციას „ევროპელი სტუდენტები თავისუფლებისთვის”, პარლამენტის შენობასთან კარვის დადგმის საშუალებას არ აძლევენ.
როგორც ორგანიზაციის წევრმა, დაჩი იმედაძემ „ინტერპრესნიუსს” განუცხადა, სამართალდამცავებმა უთხრეს, რომ კარავი საფეხმავლო გზაზე სიარულს აფერხებს და ამიტომ არ აძლევენ მისი განთავსების საშუალებას.
ვითარების გასაცნობად ადგილზე მივიდა „ევროპული საქართველოს” წევრი, დეპუტატი ელენე ხოშტარია რომელმაც სამართალდამცველებს გარკვეული დრო მისცა, რომ არასამთავრობო ორგანიზაციის წარმომადგენლებს კარვის დადგმის საშულება მისცენ.
მისი განმარტებით, მათ აქვთ პროტესტის გამოხატვის უფლება.
„კანონის აღსრულება მინდა. ხან სარალიძეს არ აძლევდით კარვის დადგმის ნებას, ახლა ამათ. რის საფუძველზე არ აძლევთ ნებას“, – მიმართა ხოშტარიამ სამართალდამცველებს.