საზოგადოებრივი მოძრაობა „ლელო“, რეგიონებში აქტიურ კონსულტაციებს იწყებს. კადრების შერცევის პროცესი დაწყებულია. როგორც ირკვევა, ახალ პოლიტიკურ გაერთიანებაში ძველ სახეებსაც ვიხილავთ. საუბარია “ერთიანი ნაციონალური მოძრაობის” ერთ-ერთ ლიდერზე ალექსანდრე ახვლედიანზე, რომელიც “ლელოს” სამეგრელოს ორგანიზაციის ხელმძღვანელად მოიაზრება.
„ჯერ არ გადამიწყვეტია არაფერი, თუმცა კონსულტაციებს გავდივარ, მე ჩემი შეხედულებები მაქვს და ვფიქრობ, ჩემი ხედვები რეგიონის განვითარებისთვის მისაღებია.“ლელო“ პროდასავლურად მოაზროვნე ძალაა და ეს ძალიან მნისვნელოვანია. რა გითხრათ, ამ ეტაპზე ვერც გიდასტურებთ და ვერც უარვყოფ”- განაცხადა “ოდიშინიუსთან” ალექსანდრე ახვლედიანმა.
წინა ხელისუფლების დროს ალექსანდრე ახვლედიანს ვიცე-გუბერნატორის პოსტი ეკავა, საიდანაც 2009 წელს გათავისუფლდა მაშინდელი გუბერნატორის ზაზა გოროზიას მიერ.
მისივე თქმით, მისი ოჯახი ხელისუფლებისგან რეპრესიების მსხვერპლია და იგი ბოლო ორი წელია უმუშევარია. მანამდე იგი ენგურჰესის საზოგადოებასთან ურთიერთობის სამსახურს ხელმძღვანელობდა.