ამერიკული კვლევითი ორგანიზაცია „ედისონ რისერჩისა“ და ტელეკომპანია „ფორმულას“ პირველი კვლევის შედეგების თანახმად, ქვეყნის მოსახლეობის 64% ბიძინა ივანიშვილის როლს ქართულ პოლიტიკაში ნეგატიურად აფასებს.
საინტერესოა, რომ ახალგაზრდებში ეს მაჩვენებელი კიდევ უფრო მაღალია – 18-დან 24 წლამდე გამოკითხულების 70% აფასებს „ქართული ოცნების“ ლიდერის როლს ნეგატიურად.
კვლევის შედეგების თანახმად, ქვეყნის მოსახლეობის 90% აცხადებს, რომ მონაწილეობას მიიღებდა 2020 წლის საპარლამენტო არჩევნებში.
გამოკითხულთა 67% აცხადებდა, რომ ნამდვილად მიიღებდა მონაწილეობას, ხოლო 23%-ის თქმით, მაღალი ალბათობით, მაგრამ არა დანამდვილებით, მივიდოდა საარჩევნო ყუთთან.